×
柬埔寨特別節日~御耕節
2022/09/27 12:01

今次就繼續同大家講解柬埔寨既特別節日,而今日要介紹既就係~~御耕節。

御耕節於每年佛歷六月下弦四日(即公曆5月)舉行,旨在祈禱神靈保佑、風調雨順、五谷豐登, 並宣佈農耕時期嘅到來。

按照傳統習俗,要有天王天后祭拜天神,御耕聖田三圈,天王扶犁犁田,天后緊跟喺後面播種。

御耕完左後,會喺聖田中央嘅草地上擺7個銀盤,盆內分別裝住稻谷、綠豆、玉米、芝麻、青草、水和酒,比耕作後嘅聖牛揀。

如果聖牛食稻谷、玉米、綠豆或芝麻,代表今年嘅農作物會收成好,如果聖牛進食青草,代表住將會有疾病發生,農作物失收。

如果聖牛飲水過多,代表住將會發生大洪災,而如果聖牛飲酒,代表住將會發生搶劫等犯罪活動。

大家睇完上面既介紹後,大家有冇覺得對柬埔寨既認識加深左呢,其實由御耕節都可以睇得出其實柬埔寨分常重視農業,由國家經濟方面都可以睇出,農業生產佔全國GDP既20-25% 是全國三大產業之一,所以難怪柬埔寨會有御耕節啦!