×
柬埔寨傳統節日~~ 比薩寶蕉節
2022/09/23 13:19

好耐都無同大家分享柬埔寨知識~今日等我地同大家重點介紹柬埔寨三大重要節日中其中一個「比薩寶蕉節」。

比薩寶蕉節係柬埔寨既傳統節日,又稱為佛吉祥日,係當地紀念佛祖誕生、成道和涅槃的日子,於2000年被聯合國承認為國際佛誕節及人類文化節,亦係柬埔寨官方公共假期。比薩意指六月,寶蕉則有敬奉、供奉嘅意思,而佛教徒認為佛陀一生中有三個重要事件:誕生、成道和涅槃,都發生喺唔同年份嘅佛歷六月十五月圓之日。因此,比薩寶蕉節定為每年佛歷嘅 六月第一個月圓之日。

每年呢個時候,柬埔寨政府官員、僧侶、佛教信眾數千人都會聚集於烏棟山(佛祖舍利子的地方),舉行盛大典禮。僧侶和信眾會組成佛教花車遊行隊伍敲鑼打鼓、浩浩蕩蕩,而其他信眾會手持蓮花、香燭等跟隨遊行隊伍步行上烏棟山,向舍利子供奉敬拜。祈求國泰民安,風調雨順、吉祥如意。

除左喺烏棟山之外,柬埔寨全國的其他寺廟都會舉行類似的慶祝活動,而外國遊客都可以參加這個節日,感受一下柬埔寨當地節日氣氛。

而按照慣例,表現良好既囚犯都會喺三大節日中得到柬埔寨國王既特赦或減刑。分享多個小知識比大家,柬埔寨全國有90%人口都為佛教徒黎架!

想知道更多關於柬埔寨嘅資訊,記得密切留意我地Facebook專頁!